Jadual Siaran Televisyen Liga Malaysia 2010

[EpiQ835]

INFO TERKINI Hari Ini.......

memutuskan...
LIVE diteruskan antara Kelantan dan Selangor Sabtu ni...


bulih tgok lah d tv adik kakok weh...hok mano duk d klate tuh..
hok mano ado d lembah klang nih dan sewaktunya...mari pakat kito gi wi sokongan di Bukit Jalil.

GOMO KELATE GOMO

sekian.terima kasih

alhamdulillah...akhirnyo ado live..

[EpiQ835]

hak bengo merusuh baru ni.....boleh kelik tv kat rumah, kalu tak puah hati sangat katak tv umah demo tu....merusuhlaa demo sore2......bo dok kaca ore lain nak tengok bola dgn tenang....Baso mari alik mana ni....

bo la caro ko rusuhe tu..tumpu ko ari sabtu n...

[bakokelate]

INFO TERKINI Hari Ini.......

memutuskan...
LIVE diteruskan antara Kelantan dan Selangor Sabtu ni...


bulih tgok lah d tv adik kakok weh...hok mano duk d klate tuh..
hok mano ado d lembah klang nih dan sewaktunya...mari pakat kito gi wi sokongan di Bukit Jalil.

GOMO KELATE GOMO

sekian.terima kasih

ALHAMDULILLAH......kawe sokong....gomo kelate gomo....

[zarulzeme]

salam adik kakok..

kawe raso ada hikmah jugo pindah kelate lwn selangor kt bukit jalil sabtu ni..kiro cam petanda awal dh tu kelate akan lawe selangor final piala FA di stadium yg sama gak nanti..jadi sek2 kelate boleh ready dgn stadium bukit jalil kalo masuk final FA nnti..kawe sero tu hikmah dia..kita pakat wi senyap mulot2 ore dok ngato kato kelate samseng ni..sebab warna merah kelate kito, kelate kito darah kito..

wasalam.

[reys91]

wa......gembiro sungguh ghaso ati.....akhirnye live dteruskan...syukur.....

[azhar]

anokkije confirm ke live tu kawe confuse lerrr

[Huntedz_Boyz]

Patut game nih xpyh buat live.. simpan untuk N9 vs Kelantan..
kalo tnjuk kelantan vs selangor sabtu nih, FA cup nk tnjuk sapa main? selangor lg? kelantan lg?
hahahahha
konfom la selangor lg kot..

[aey]

tq utk anokkije atas info ni. atleast buat tatapan pnonton di kelate. hok di lembah klang tu, xkn nk tgk live? ape barangg.....mari hungga gi stadium ni...baru pyokong setia.....

[eL]

boleh sapo2 confirm male ni ado live kelate-ns ko dop..
sene utk puok2 hok xberpelue nk g paroi..
pukul 8.45 boleh congok depe tv1 tgk kelate..
tq

[alif_shock]

mntk2 ado la live..smbvt jgk klu xdop..

[arifkelate]

sero ado live kelate vs n9 nie sbb kat n9 ado karnival syoknya bola kan..

[yoeja]

sedap nyo kalu ada live mlm nih, hrp2 ada r

[ashavin88]

sero ado live kelate vs n9 nie sbb kat n9 ado karnival syoknya bola kan..

betul ko hok demo oyak nih??
kalu ado karnival ptg ni d n.9,mgkin ado live game kelate-n.9..
mntak2 doa blakow..

[RedsFC]

KOMPEM....

LIVE: SELANGOR vs PERLIS...

Harap Maklum...

terima kasih...

[RedsFC]

Live streaming tadop ghasonyos atas sebab2 tertentu...
tapi InsyaAllah, keputusan akan diupdate dari masa ke semasa di WEB KDN oleh wakil dan orang perseorangan yang pergi ke Paroi...
sakk gobar.. tunggu...

[arifkelate]

confirm male nie takdok live perlawanan diantara kelate vs n9
kawe kelih sebelum wisel tadi

[nna86]

alosss...jange la maroh...sebenarnyo sbb n9 vs kelate x dok live sbbnyo

1) drebar lori rtm x tahu jalan nok g stadium paroi...stadium shah ale tau la mugo kapung dio...tmpat main guli zaman mudo2

2) rtm tgh save bajet...g jauh2 abihla minyak lori tuh..kalu sep2 demo nok support minyak lori,bulihla buat live...

3) ramai pekerja rtm terdiri dr ore selangor...sambil bekerja shoot gambar,bulih tgk bola..erti kata lain,pekerja rtm sbenarnya fans selangor...cumo sek2 dio x leh buat ombok jah,tok cukup gu..

4)selangor bulih bayar ko rtm suh wat siaran langsung..

5)kebanyakan drebar rtm ni terdiri dr org2 tua (org uzur)..x cekak nok jalan jauh...lgpun x nampak jalan weh nok balik malam2..

6) and lastly,sek rtm takut kene bedil hok fans kelate lepar tepi padang...mmg fans kelate x leh lari dari bedil stiap kli match..x dok pasal wei kene bedil tgh2 amik gbr....

p/s:mitok2 btul salah satu ramalan kawe hok duk atas...kalu btul,baru bleh trima bakpo selangor masuk tv sokmo..kesimpulannya,kalu mano2 player nok jd terkenal macam artis,mainla di selangor season depan..

[DShahrul]

RTM berjaya melahirkan 'Zainal Abidin Rawop' yang baru, iaitu 'RASDI JUMAAT'.

Memey ::censored:: ::censored:: puji Selangor satni. Senyum tok kaba nak bo Selangor meney. Hal kelate meney, memey tok sebut lasung. Kalu kato Hafizal Hamad jadi host, mesti lain bunyi dio.

Doh la Rasdi ni tok reti go satu bola. Tanyo soalan2 obvious jah masa jd host 'Sebelum Wisel'. Contohnya;

"Selangor pasti mahukan kemenangan dalam perlawanan ini. Apa komen saudara?"

Pah sapo dio main nok kaloh? Berat...berat.

Berhati2 nga Rasdi Jumaat, dan Rasdi Jumaat pun, berhati2 ngulas tu. Jange dok napok sokong Selangor. Hasbullah Awang ngulas game Perak pun tok berat alah ko Perak. Kalu nok ngulas berat sebeloh, gi kijo nga Selangor.fm, selangorfc.com atau selangorfanatik.com la.

Kawe cadey RTM letok 2 ore jd host Perlawanan Tumpuan. Mitok tulong ssapa ko pengurusan RTM.

[apissjanGGut]

biaso lar tu ore br
tp gak nyapoh molek dgr dok ngulah g 2

[ashavin88]

game 25 ari bulan ni kompen live kelate vs selangor...
x caya tngok la...