Cekgu raso, dale perlawaney pentim supo nati lawe Ayeyawady male kakre, dimano perlawaney yang di tayey kan di banyok Channel Tibi di serato Asean, hok tentunya penyiaran Rtm akan di hantar untuk siarey samo di Myanmar selaing tu web-web streaming akan tayey perlawaney perikat Global ni.

Perlawaney ni tok dapak tidok perlawaney pentim walapong kito doh sbeloh buku lali doh layok tapi gak kemenangey menjaming kito menjadi juaro kupule sekali guh menyamai rekod2 lamo Kedoh, Perok dan Selangor dale kejohaney ini.

Apopun rano2 kito keno sedari hakikat pemain kito keletihey. Kalu kelih ko larian pemain kito Cekgu napok supo kachey reng tekan minyok rapat jit. Hungga kocok labu betih, Cekgu napok hungga buke ggi nga reng doh tapi gi nga semangak.

Pemaing kito hok hungga derah sangak2 ditagih keringak dio oleh Bojey. Kihnyo tektikol Bojey ni dio main nekkey, ore putih panggil Pressing Game. Passing nekkey pah hungga nekkey, bek gu lawe meme kaluk supo mitah kuba la.

Oleh kerano itu, Kelate kito ado Skuad yang besar, tapi tok cukuk besar mano lagi. Kito sepatutnyo menagih khidmat budok mudo kito hok jenih hungga tok hingat jugok, supo Cekgu gak minat Iwe Solah, saye nyo Ong ropok masuk Skuad Rima Mudo pah wak rizak. Molek kediyo.

Sore lagi Iwe Seli, cedero pulok, budok ni lincoh bergayo mainey fokus jah nyepak derah, bulih gati Piya time2 Piya leloh. Nyo wat cedero time ni, tapi bunyi henggo doh bulih rungga kelilim padey doh. Harak dio ado peluwe main la Cekgu minak bedooh anok Seli Rejab ni. Nurun pok weh budok ni.

Selain dari tu, Cekgu raso doh mulor saing2 Cekgu duk kkeng royak eh kito sayap ramai doh, ado hok kato Penyere kito rama doh. Rama kok mano sapa tedesok baru ni panggil Faizul Nazlin nga Shahiran. Skuad raso besar doh untuk main 4 kejohaney yang jadual dio sambung pah simbung kadey2.

Mulor rama saing Cekgu royak wak gapo panggil Indra nga Farhey smula, Skuad kito cukuk ore doh. Loni baru kito napok, duo ore ni meme fleksibol la, time kito suttuk nak paka penyerey bulih paka time kito suttuk nak paka sayap pun bulih paka jugok.

Mujor la jadi gitu, pah dengar Azlan Ismail siar doh, napok rungga derah baru ni main 7 minit. Harak2 bulih tehey lamo la, namo dio bunyi koba bulih daftar dale kejohaney ni, walapon Nwoha nga Antwi ado doh, kalu bulih kito nak pramai la mugo nak wi rehat hok lain la, hok Cekgu napok Indra, Piya nga Shakir kalu ado luwe bulih la wi rehak.

Shakir napok letih menar nak senyum nga toksir samo banyok, Cekgu herey la mulor dio rapit kakloh nga Cekgu, pah Cekgu tanyo pah tu baru la dio ngaku dio jawab “Kito letih do’oh boh”. Baru la Cekgu pehe, lagu tu weh ore main bola.

Pah dale maso terdesok gini nak cari fitness dale maso skejap2 ni, tanggungjawab banyok jatuh atah tugah Fitness Coach Kelate iaitu Saudaro Reuben. Dio ni rapat nga Bojey. Ni Cekgu raso faktor pemain bulih Catch Up hok Coach nok dari segi percaturan, iaitu melalui Reuben hok sappa kehendok Bojey ko awok2 pemain. Dale maso yang samo Reuben keno bentuk pemain hok jago disiplin luar pado training.

Cotohnya tidur awal, kurekan bersosial luar, sosial pacebuk dakpo asal jange laro. Kure pengambilan makanan tok berkhasiat, jange isap rokok, kalu tagih doh gak kurang kan la rokok, sebab majikan bayar gaji demo melibatkan kecergasan autometip melibatkan caro hidup demo.

Pemain keno jago bendo ni, tapi tok molek jugok Cekgu blebey kuak sebab takut pemain sero ati. Set dio baco belako komen dan analisis lebih2 lagi kritikey, sebab tu rama set dio jawab dale pacebuk ni mugo dale ni pakak bulih kukok royak tok puah hati gapo, pemain pun supo ore rama la dio nyo ado tok puah hati nyo royak.

Bahayo jugok kade2 sebab dulu Cekgu ingat coach Rima Mudo hok lamo bunyi keno pecak kih banyok nulih kritikey dale pacebuk, iaitu Azraai Khor. Nayo kediyo, kalu bulih keno tapih2 la, kito pun keno tapih2 geram ko guano, sebab tu Tuanku Sultan Bolo pun pesan kemaring agok2 gak la getek nok sindir pun keno bertapih2 sebelum jatuh ko mudarat, serhaa bulu romo Cekgu dengar, Cekgu pun takut kalu keno, malu kokram.

Jadi balik ko tajuk, perlawaney lawe Ayeyawady ni meme kito keno hati2 dan bentuk pasukan semangat dan persefahaman dale maso yang samo keno buwi peluwe ko budok mudo kito. kalu tokleh main penuh wi main separuh maso keduo takpo, Nik Shahrul Azim bulih doh nak tra, Rizal keno wi main mugo sbelum ni form dio tegeley baru ni form dia meningkat tibo2 kito harap dio maintain form kalu di buwi peluwe lagi.

Ramzul pun 85% fit doh tersenara dale sipaney doh baru ni, harap ado peluwe maing. Cekgu kenney kalu Rizal wi main tepak Shakir pah rehatkan Shakir, pah tepat Piya pun kalu ado pengganti sesuai bulih wi rehat jugok Kapitam Pantastip kito.

Bendo ni kito seroh ko Bojey kito la, kito harap dio, dio gak bisor benar bahagian uboh2 ni, lebih2 lagi pemain muda dan pemain berkarat, dio biso Upgain Form pemain2 ni. Jadi toksoh duk rusim awok2 kito, kalu kito tengok mainey lain sikik kito keno pehe, Coach nok wat percubaan maso perlawaney kure kritikal ni la bulih test nyo.

Harak2 hok tengok live tu jange harap nok mainey comel sokmo, hok petim kito pehe pasukey kito adalah pasukey yang terapkan unsur Winning Mentality deh buke Winnie The Pooh. wakakaka. Akhir kato gurauan dari Cekgu harap awok2 tok sipe dale perut. Samo2 kito hileykan gobar dale perut dengan bergura sendo, ko rano Kaknik? Adoww smart Ape Pozi selok rambut beloh tepi. Bereh lah Cekgu nak telepon Abe Nik smeta ni nok nanyo kobar luluh ko dok penulisey Cekgu harak Abe Nik publish cepak2 nati Cekgu belanjo Kerang Bakar.

Setakak tu la dulu awok2 kito deh, apo hok buruk dari Cekgu dan apo hok baik semonyo dari Allah swt. Akhir kato Cekgu tinggalkan dengan sepotong kato2 Cendiakawan. “Sebaik-baik teman ialah teman yang memahami dan memberitahu kefahaman dia kepada kita dan kita dapat menerima seadanya”.

Wassalam.

- Cekgu Speing -