Assalamualaikum awok2 adik kakok. Cekgu ni sedio maklum doh bendo live ni set kito pakat krumun supo semut pakat kelis live belako doh, tapi gak mugo dey nama cekgu gak baso dio doh gilo nok nulih. Pah pulok sekoloh coti, pah cekgu speing ni cekgu Pj, brehi la kecek bab taktik strategi ni, harap maklum awok kito deh. Jange di murih cekgu kora dindim, kelate fa ni biar samo2 kito bice, kito kosi, bak kato ore putes sharing is boring, eh sharing is caring. Buke kerong, kucing kerong, caring.

Kito bice bab bola smaley deh, cekgu pehe adik kakok lemah otok nyawo bor2 lepah tido x jenero tapi subuh behe subuh gajoh, jange gitu. Mikir ko tokleh nak menang nga Kedoh ni dale saingey timbal kelik gol tepat lawe. Ha jatuh ko kenaling rait kakloh dih ko guano? Cekgu nga abe nik, abe pozi rancang akan gi stediung Darul Amey nati coti hari pekerjo ni. Kak nik cekgu tok tau, cik abe dio wi gi ko dop. Keno tanyo dio lah deh.

Perlawaney timbal kelik ni, kalu di Eropah biaso dio wi pasukan pilihey ni maing di venue pasukey buke pilihey dulu, sebagai alasey game keduo maing tepak kito kito bulih uboh situasi. Tapi di Meley ni dop, dio wi pasukey pilihey maing tepat sdiri dulu, dey jadi tokleh nok menang dulu gak salohaboh kakloh kalu mari pikir sekali gak. Tapi nok wat guano mentaliti tahap melayu kito gitu doh bakalih. Doh menasaboh Kedoh nyo bertehey supo parking bas shamisha nah depan gol dio, cekat thebok cekat pekong tok pecoh cumin bas dio eh.

Mulo2 kito kecek bab kemampuan dan persembahey pemain kito takdih deh. Cekgu napok rama kakloh hok main below par. Par tu bukey stopar momadu, par tu maksud di bawoh tahap sebenar. Apek ni takdok la tercabar mano, tapi bakali sejak siar ni takdok keno lagi bola kkejut derah lagu tu, jadi kkanjar nak igat, jadi kure keyakiney jugok, ingat ko paka simplisiti jadi kor yakin tapi dok. Tapi tokleh kato dio, mugo 3 ore bek nyo kecek ko Verdan tu, napok supo ngayat nok dey nok dey jah ambak tapi Subra, Obinna nga Roypy saloh haboh belako. Kelih Subra neppeik doh tunjuk ko Apek yang Verdan nok nyutim, tapi tok agok ko awal telajok dan derah gitu. Rugi doh situ, ore kato bek kito tok alert dan fokus situasi bahayo ko dok, kebetuley timing tok sedio.

Doh takpo situ, overall bek flanker kito banyok naik, bek tengah pun sungguhey duk tunggu penyerey kito sumat sebab yakin ni, napok bek sungguh pado penyerey ngarap kan gol terhasil. Daud pulok degil pok od kakloh, dio jenis robust dan terkenal dengan keras dio walapon charade turbo kito ni sbelum2 ni jadi pemain harape kito, cekgu napok Daud ni sbenarnya pemain pendiam yang paling matang yang paling panda main nga pengalaman. Doh takdok aroh nok gerowh gi sauk kaki kawe tu, kabatuley game start panah bilo reperee FAM tok panda kawal situasi.

Pemain tengoh kito, Shakir agok kure berkesan sikik, lebih2 lagi lepah Piya tubik. dio duo ore ni tokleh gi doh, supo ketut nga taik atah padey, saling memerlukan. Kalu sore takdok napok leweh slalu supo kuih lopak tikey palo santan kurey pekat la. Doh takdok aroh Piya cedero ringan, ssaloh jatuh duk raso napok supo poho sakik, Indra pulok dalam perancange awal takdok la kato keno gati Piya situ, tok ready la bakali dio. Indra pun dari awal napok tok menyengat, ore bini duo letih gini bakali pado ore bini tunggal, endes syayam tuuu tah dioooo.

Paling mengecewokan cekgu, pemain sayap kito. Termasuk nga sayap pertukaran sekali semo lugar bbalik belako. Coach Bohjan, eh silap Bojan kito duk ngarap ko sayap kito ni wat naik bola, selain cross coach wi kijo suruh nyuting. Gak Chanturu ni paka turbo gaponamo tok tau, brek angin tok brek angin ado belako awok2 kito kato. Awe pulok mace tok fokus jah duk teringat ko maggi ketam ko apo tok tau. Zamri pun caro ko nyuting smacey, jange maroh la bakali coach suruh. Pemain ni kalu wat krek2 bendo coach tok suruh bulih keno napar ko coach tau dok. Farhey masuk keno jadi penyerey ingat ko bulih jadi supor sab sumat bola ngelast supo haritu, takdok ajki jugok.

Penyerey pulok, Matyo ni hebat, stendek la penyerey terbaik liga dua musim berturut2 key, bley2 lepah cedero pun bulih sumat gol, tapi gak saye, tok smakey nga Ghadar. Matdar mukin kelih pelik pemain tempatey ado hok sedap pado dio, jadi takdok mood slalu dio. Saye gandingan ni napok supo gayo kemah doh, cekgu tok pehe bakpo Ghaddar caro ko duk getel musing punggum smacey, jadi takdok ruang jadi sempit nak buat larian bola nekat kaki dio supo wat dale Afc cup. Tapi cekgu cayo kehebatan Bojan ni asoh keserasian pemain, baru berapo game jah Matdar nga Matyo bergandinge, keno ambik maso sikit. Bakkato Mekyah dale cito Bunohan, nok pulih keno ambik maso, maso pun keno beli, andus palasapoh pulok sepukol.

Dari segi taktik, Bojan arah pemain meneyerey dengan cuba pecoh kubu bek duo layer Kedoh ni dengan tekan dari segenap penjuru. Aloh supo tea beng di keda mamak ni ado Tea Beng Tigo Layer, Abe Pozi brehi mena. Kito tekan dari tengoh, napok takdok idea. tekan kok sayap napok kuca hanyar. Sebenarnyo kito harap Matyo hok tekan kok tepi line, tapi gu lawe mutuh modal lagi baru siar ddemey ni tok ngerok bawok ekor, Matdar pulok tok membantu langsum. Jadi separuh maso keduo pakar idea kito takdok, pakar passing comel kito Piya berusum doh cedero. Jadi setiap serange kito tanpo idea yang bernas supo gutu takdok, jadi lah bek Kedoh napok gagoh. Tapi cekgu tok takwil, meme gagoh la bek dio, fokus molek selain taktik Wan Jamak ni kalu mari Kota Bharu gak jjadi kijo sokmo.

Cekgu puji Azmizi, G-nan nga Fazliata dio. Hebat doh staro tu, selain Badd rajin duk turun bawoh tulung sekat2 nok guno pengalamey hok dio ado. Pemain Kedoh walapon hantaran banyok sangkut, puok dio rajin dan panda rapah bola di kaki pemain kito. Selain tu dio ambik semangat penyokong dio mari duo butir bas nga banyok butir kreto, kedatangey awok dio disambut positif fan penuh adab oleh penyokong kito, meme terpuji la sikap gini. Cekgu gak arap menar bulih layaney mesro sokmo di Sda selain tu cekgu brehi gi cari ike sepat pekasam di pekan sepetang dio. Jeliro weh.

Jadi sor lagi mutu pengadilan FAM ni tawar molek cekgu tengok, game high tempo dan permainan sungguh gini pengadil keno relex sikit dan amaran bersahajo tapi tegas sangat2 didambakan. Jange wi pemain jadi panas koksir, keno kawal emosi pemain, ni dok tindakey dio koho buat pemain dugar. Cekgu harap rama pengadil2 bijok pahni ado dale FAM supo pengadil zaman penajo Dunhill dulu, walapon dulu pemain begocoh sokmo buke kih pengadil sangat, tapi kih pemain mongoh sebab gaji tak setimpal pah tertunggak pulok. Doh la gaji seribu lebih jah pah tunggak 4 buley, berat, pampers susu anok pun berutey nga ore beli, soh ko kreto, paka muto pun wat loan x lepah bayar.

Jadi era player susoh terutamo di Kelate koho sifar doh. Ini menunjukkan banyok pihak hok sungguh nak bawok kebaikan kearah ini, masalah nyo pulok penaja kure pulok dale FAM, levi ko pasukan sikit jah. Mace2 la, tapi takpo kito akan gomol di Kedoh dan berito cekgu dengar hok paling gumbilo sekali, pemain kito berikrar akan main sehabih dayo di Kedah ni demi memastikan hadiah menang Piala Fa wi hadioh ko kesusahan Pengurusan dan Penyokong alami tahun ni, tahun panah pedih Kelate namun kito berado dilandase sebenar lagi untuk meneruskan perjuange kito yang penuh semangat Winning Mentality.

Ok sekian sekat ni dari cekgu, nok hungga gi alah padey smeta latihey sukan rumah ijau cekgu speing keno jadi ketua rumah latih budok2 main bola, buke bola sepak deh, bola lisut. endes. Apo pun cekgu mitok maah kelemahan kritik kalu berat tu semo dari kekurange cekgu, hok molek dan lebih tu hok pemberian Allah swt sahajo, sekian setakat ini adik kakok deh. Wassalam

- Cekgu Speing -